EKSKLUZIVNO! Olivera Konatar: “Sigurna sam da me Vuk Mob najviše volio! Patila sam što mi dijete ne raste u zajedništvu!”

Gošća ovonedjeljnog izdanja emisije Chit Chat sa Nemanjom, koja se emituje na programu Hype televizije u nedjelju u 16 časova, je novinarka Olivera Kontar.

Konatareva je po prvi put govorila o svom sedmogodišnjem radu u medijima, majčinstvu,  ali i odnosu sa bivšim partnerom sa kojim ima kćerkicu Teonu, kao i teškom periodu koji je uslijedio kada se nakon kraha ljubavi vratila poslovnim izazovima.

„Lagala bih ako bih rekla da je bilo lako nije i onda sam se pitala da li vrijedi da budem na poslu po deset sati i da ne budem u svakom minutu sa mojim djetetom, ali moja majka je preuzela brigu o kćerkici onda kada sam ja na poslu, pa njoj dugujem najveću zahvalnost što mi je olakšala proces navikavanja na promjene koje su mi se dogodile” kaže  Olivera.

Javnost sigurno zanima u kakvim je odnosima sa bivšim partnerom Vukom Mobom, Olivera i sama kaže da nema problem da priča na tu temu:

„Ja nisam željela da pričam na tu temu do kćerkine druge godine, sad je već prošlo, i ja Vuku često umijem da kažem da ništa ne može da uradi kako bi me povrijedio. Mi smo imali jako loš odnos, i sa time je javnost upoznata, ja nisam od onih koje će da kažu da je sve cvjetalo i da je bilo lijepo. Meni je najvažnije da on ima savršen odnos sa djetetom, njegove veze me ne zanimaju, jer ja znam da me je on najviše volio i kada pogleda naše dijete sigurna sam da zna da je moglo svašta da bude drugačije“ završava Olivera.

Cijeli intervju i premijeru emisije možete pogledati u nedjelju na Hype televiziji.